2023

दिंडनेर्ली येथील सेंट्रिंग कामगाराची मुलगी असलेल्या सोनल हिला २०२०- २१ चा शिवछत्रपती पुरस्कार जाहीर झाला आहे. तिला शालेय जीवनापासून पॉवरलिफ्टिंगची आवड होती. वडील पैलवान असल्याने त्यांनी तिला पॉवरलिफ्टिंगसाठी प्रोत्साहित केले. ईश्वरा वाडकर हायस्कूलमधून दहावी उत्तीर्ण झाल्यानंतर न्यू कॉलेजमधून बारावी, तर शहाजी छत्रपती महाविद्यालयातून पदवीपर्यंतचे शिक्षण घेतले. उदयपूर (राजस्थान-२०१८), तुर्की (२०२१) व केरळ (भारत-२०२३) येथे झालेल्या आशियाई वरिष्ठ गट स्पर्धेत तिने सुवर्णपदक पटकावले. तिला अखिल भारतीय आंतर विद्यापीठ स्तरावर सहावेळा सुवर्ण, राष्ट्रीय स्तरावर नऊ सुवर्ण, तीन रौप्य, तीन कास्य तर राज्यस्तरावर ३५ हून अधिक सुवर्णपदके मिळविली आहेत. लातूरमधील दयानंद आर्टस महाविद्यालयातून एमए केल्यानंतर उदगीरमधील शारीरिक शिक्षण महाविद्यालयातून ती शारीरिक शिक्षणशास्त्राचा अभ्यास करत आहे. सेंट्रल रेल्वेत द्वितीय श्रेणी अधिकारी म्हणून कार्यरत आहे. प्रशिक्षक विजय कांबळे यांचे तिला मार्गदर्शन मिळाले.